هاذي قصيده للشاعر المبدع فهد البداح
واللي قاعد يحضر الأن لألبومه الصوتي
أترككم مع القصيده
*
*
*
اثنيـن داخـل دائـره نقطـة لقاهـم زاويــه
ودام اللقاء في زاويه اصبـح لقاهـم مستحيـل
هـذا انـا وانتـي كـذا ودروبـنـا متـلاويـه
يعني بلاش من التعـب مـادام مامنـه حصيـل
بلاش نمشي فـي طريـق ينتهـي فـي هاويـه
مادام حظك منسـدح وانـا معـك حظـي عليـل
صـار الشقـى ودروبنـا خطواتهـم متخاويـه
ولافطر كبدي سواء لاقلـت لـي صبـر جميـل
واسنين عمري اجدبت وسنيـن عمـرك ذاويـه
وحنا نتحرى هالنصيـب يمـد لـو شـي قليـل
والشوق ناره لا اسرفت وسط الضمايـر شاويـه
وانا اسرفت بي نار شوق مالقيـت ألهـا ذبيـل
لو شفتها من كل عـرق مـن عروقـي راويـه
ماباقـي الاجمرتيـن وتشـب لـك قلبـي فتيـل
والمشكله مـادري وش انتـي يالحبيبـه ناويـه
ومدري وش أخر هالطريق اللي معه صبري طويل
بس الوكـاد ان الظـروف اللـي قوتنـا قاويـه
تبخل علينا اكثر من اللي يبخلـه ابخـل بخيـل
يعني وش اكثر من كذا لا قلـت لـك متساويـه
نار انتظـاري للقـاء ونـار انتحـاري للرحيـل
الا ان لقيتـي ملتقـى وجـاء للدوائـر زاويـه
اصير انا اول من قدر ينفـي وجـود المستحيـل
وسلامتكم
عزوتي يام