سلام الله على شاعر ( اقرب شاعر )

[سرحان الفكر]

سلام الله على شاعر يشوف اللعب دون اخصام // يصوغ احلى بيوته ثم يقدمها كما حلّة
ارحّب به كما موج البحر في حزة الاقدام // اقدّمله مفاريدِِ معانيها حلاتِِ له

[لطــــــــــام]

سرحان الفكر

يشرفني اللعب معك واستـــــــــــلم لاهنت ,,,,,,,,,

هلا يامرحبا من ساحل الاحمر الى الدمام=وانا شاعر واعرف الشعر دق الشعر من جله
تقدم هات لي علم المطايا لاتجي لي احيام=عسا نور السحاب الي برق ماينقطع وبله

[سرحان الفكر]

ارحب ارحب

لاهنت,, استلم...

هلا بالشاعر اللّي لقّبوه المنتدى لطّام // يسوق اروع قوافي ثم يلحّنها على شلّه
اباركله قدوم الشهر بصيامه عسا مانام // وبادعيله عسا ربي يمهّدله ويسهّله

[لطــــــــــام]

ابقه ابقه

اســـــــــــــــــــــــتلم لاهنت ,,,,,,,,

وتسلم ماعليكم زود لامجني ولا ظلام=طريق المعرفه خلك على نهجه وسانع له
عسا ربي يبارك لك شهر فيه العباد اصيام=شهر موسم عباده يالله التوفيق في حله

[سرحان الفكر]

ارحب لاهنت والعذر على التاخير

استلم.......

نبي رايك وتفسيرك على اهل الحب والاحلام = نبي نبذه على بيض الورق يامن لقا حلّه
وشرواكم يحل المشكله لنّه كفو وحزام = على وضح النقا صبّك وباقي النقش بازلّه

[لطــــــــــام]

مامن تاخير واستلم لاهنت,,,,,,,,,,,,

هذاك اول تعرف الحب صادق منبعه صمام=على وظح النقا مابه مصالح بين خلق الله
و اشوف ان الهوا ياصاحبي كله مرض ووهام=عطه دليت من قلبك كلام مجرب العله

[فهد بن محسن]

سرحان الفكر


لطام


صح الله اللسنتكم ولا هنتو

تحياتي للجميع

[سرحان الفكر]

لاهنت

استلم..والختام عندك

زمان اول دليله عنتر وعبله كبار اعلام = هذي والله الحبايب حكمه وقوه على ملِّـه
وزمان السّاع يكفينا هروجِِ مالها احكام = على ماقال قلبي حبّها لكن تمثلّه

[لطــــــــــام]

اررحب يابو محسن ومتابعتك شرف يالقرم


سرحان الفكر الشرف لي طال عمرك ولنا لقا قريب بأذن الله


واستــــــــــــــــــــلم لاهنت ,,,,,,

انا ياصاحبي قلبي سلى عن الهوا اعوام=ولابه غير حب الذود ومشاهد هل الدلّه
تشرفنا ياسرحان الفكر والله علي علام=على نهج المعاني سقتها للي على الملّه

[سرحان الفكر]

ارحب يابن محسن

ولاهنت على مرورك المشرف
-

لطام لاهنت لبا كبدك وصح الله لسانك مليون صح

والقريب جاي

ولاهنت على اللعب الجميل

اسمى التحايات وارقّها

سرحان الفكر