شيلة غصن الغلا .. كلمات محمد بن الذيب وأداء محمد السليس

[عبدالله آل عامر]

بسم الله الرحمن الرحيم
:
أسعد الله أوقاتكم بكل خير اخواني وأخواتي متصفحي مجالس قبيلة العجمان
:
هذه الشيلة من كلمات المارد الشعري: محمد بن الذيب
:
وقام بأدائها المبدع: محمد السليس
:
استماع ممتع للجميع
:

على خط جسر بقيق مريت جسر بقيق=وأنا غترتي من فوق راسي ورابطها
دوي الرعد في أذني دوي طايرات الميق=أبي ديرةٍ ماني بجاهل خرايطهـــا
على شان من يحلم بزولي قبل ما يفيــق=وإذا فاق ذاكرته على الحلم سلطـــها
معاه العذارى لو تهايط مسا وشريـــق=علي من غلاه إن قد يوقّف مهايطــها
عليه الوصوف النادرة راكبة وتليــــق=تحوطه من زود الميانة وحوطـــــــــها
كساير ذهبه اللي لها في النحر تبريق=تغبطه على منحره والنحر غابطــــــــها
يا غصن الغلا يالله بالخير والتوفيق=تبا تغنم الفرصة معاي أو تفرطهـــــــا
جدايله ما تدري وش المشط يابن زريق=تعرض على شهب الهبوب وتمشطهـــــا
أبسمعك بيتين ما هي بللتلفيــــــــــق=وبيتين تصلح لك وبيتين سافطـــــــها
وبيتين يلحقها من المنتقد تحقيق=وبيتين ماتعجبك ولا تعابطـــــــــــــها
ألذ الوصال مواصلك وأحلى ما ذيق=عسل نحلته شفتك والثغر مسقطهــا
غرامك غصن جمره يفوح عليه بريق=ترفق على كبدي ترى البعد شاحطها
تخبر الدموع اللي سرت من عيونك ضيق=لقاها هدب عيني حزينة وقلطهــــــــا
وقامت تجمع من على محجري وتويق=وإذا حولت ما عاد يمديه يلقطهـــــــــــا
لكن ماعليها خوف خلق الدموع تريق=خدودي لدمعٍ من سبايبك باسطها
صغاير الأمور أشلها والكتوف تطيق=وعظايم الأمور تهزني وأتباسطهــــا
وأنا ما علي من شلة الضحك والتعليق=أعرف الخيول النادرة من مرابطهــــا
وأدوّر على الجزلة ولو إنها براس طويق=وضعاف النفوس الله من الأرض يسخطها
أبي شوفتك من دون موعد ولاتنسيق=لو إنك ما بين أقوى الرياجيل وأنشطها
عذاب الممات من التوجّاد والتفريق=ولذيذه ما بين أطراف كبدك وواسطها
لو أحملك ذنبي خطا يا لذيذ الريق=(أنا قبل أعرفك رايحٍ في خرايطها)!!

:

:
التحميل من هنا
:
تقبلوا فائق الود والاحترام
:

[ليــه يازمـــن]

لاهنت

والله يعطيك العافيه

[راكان اليامي]

لاهنت يابن عامر

[عبدالله آل عامر]

لاندمتوا والله يعافيكم
:

[someone]

لاهنت يا النشمي

[عبدالله آل عامر]

لاندمت وحياك الله يالغالي
:

[وافي بن وافي]

لاهنت ياعبدالله ال عامر وصح لسان ابن الذيب و محمد السليس تقبل تحياتي وتقديري

[هادي بن فهاد]

عبدالله آل عامر

تسلم يمناك ولاهنت على الشيلة الطيبة

[فـهـيـد الــHــتــلانــي]

عبدالله آل عامر

تسلم يمناك ولاهنت على الشيلة الطيبة

[عبدالله آل عامر]

لاندمت ولا عدمناك يابو فلاح
:
لا خلا ولا عدم
: