السلام عليكم
قمة القهر هي اذا قعدت في حلاق هندي وتقعد تحلق بين الهنود وهم يحشون فيك ؟؟ وانت داري انهم يحشون فيك ؟ بس ماتدري وشيقولون ؟؟
...........................................
قمة القهر هي ... لما تغسل سيارتك وتزركشها وتعلق فيها ريحة السفينه (قديييمه) وتسفطها عند باب بيتكم ويي ياهل من يهال الشارع ويشخطها بسيم من اول السيارة الى اخر السياره ان خليته بتموت ماراحت حرتك وان جلدته قالوا ايا المينون تحط راسك براس ياهل ؟؟
...........................................
قمة القهر هي .... لما تشوف برنامج افراح وتهاني وانت توك عزوبي .....................؟
.........................................
قمة القهر هي ... لما تشوف لك مزيونه تعورالقلب في سوبر ماركت وتقعد تخطط انك ترقمها وتقعد تشتري اغراض وايد مالها داعي .. قلاصات .. وقفل؟ ... وصلصه ؟ .. وتفلس ويوم تي البنت تاخذ الرقم تكبس عليها امها وتخلي رقمك طايح على الرف ؟؟
...........................................
قمة القهر هي .... لما تكون في تاسع نومه (كيفي بغير سابع) ومدفي في اللحاف وتوها غافية عينك وييك واحد عله ويقومك من النوم ويقولك : انت نايم ؟؟؟؟
..........................................
قمة القهر اذا كنت طالع وكاشخ في سيارتك الجاكوار اليديده وفجأه يدعمك شايب بسيارته موديل 19وحطبه ويقولك صلح سيارتي
.........................................
هههههههههههههههههههههههه
تحياتي للجميع