إكفخ بجنحان السعد لا تدرا :::: فالعمر ماياقاه كثر المداري..(للأمام تركي)

[المناجي]

السلام عليكم ورحمة الله وبركاته

قصيده للأمام تركي بن عبدالله آل سعود مؤسس الدوله السعوديه الثاني لأبن عمه

مشاري بن سعود عندما كان أسيرأ في مصر وتعد من قصائد الحكمه ...

طـارالكرى عن موق عيني وفرّا =وقزيت من نومي طرالي طواري
وابديت من جاش الحشا ماتدرّا =واسهرت من حولي بكثر الهذاري
خـط ٍ لـفاني زاد قلبي بحرّا =من شاكي ٍ ضيم النـيا والعـزاري
سـر ياقلم وإكتب على ماتـورّا =أزكي سلام لإبـن عـمي مشاري
شيّخ ٍعلى درب الشجاعة مضرّا =من لابـة ٍ يوم الملاقـا ضواري
ياما سهـرنا حـاكم ٍ ما يطرّا =واليـوم دنيـاً ضاع فيها افتكاري
أشكي لمن يبكي له الجود طرّا =ضـرّاب هامـات العـدا مـايداري
يـاحيف ياخطوالشجاع المضرّا =في مصر مملوكٍ لحمر العتاري
من الزاد غادٍ له سنامٍ وصرّا =من الذل شبعان ٍمن العـزعـاري
وش عـاد لوتلبس حريرٍ يجرّا =ومـتوّج ٍ تاج الذهـب بالـزراري
فـ دنياك يابن العم هذي مغرّا =ولاخير في دنيـا تـورّي العزاري
تسقـيك حلو ٍثم تسـقيك مرّا =ولـذاتـها بين البـرايا عـواري
إكفـخ بجنحان السعد لاتدرّا =فـا لعمر ما ياقـاه كثر المـداري
مـافي يدالمخلوق نفع ٍوضرّا =مـا قدر الباري على العبد جاري
وإسلم وسلم لي على من تورّا =وأذكر لهم حالي وماكان جـاري
إن سـايلوا عني فحالي تسرّا =قـبقـب شراع العز لو كـنت داري
يوم إن كل ٍ من خويه تبـرّا =حطيت (الأجـرب) لي عميل ٍ مباري
نعم الرفيق إلى سطا ثم جرّا =يـودع مناعـير النـشامى حـباري
رميت عني برقع الذل بـرّا =ولاخـير في من لايدوس المحـاري
يبقى الفخر وأنا بقبري معرّا =وأفـعال تـركي مثل شمس النهاري
أحصنت نجدعقب ماهي تطرّا =مصيونة ٍ عن حر لفـح الضـواري
ونزلتها غصبٍ بخير ٍوشّـرا=وجمعت شـمل ٍ بالقـرايا و قـاري
والشرع فيها قدمشى واستمرّا =ويقـرا بنا درس الضحى كل قـاري
زال الهوى والغيّ عنها وفرّا =ويقضي بها القاضي بليـا مصاري
وإن سلت عمن قال لي لاتزرّا =نجـد ٍ غدت باب ٍ بـليـا سواري
ومن آمن الجاني كفى ماتحرّا =وتـازي حريمة بالقـرايا وقـا ري
واجهدت في طلب العلالين قرّا=وطاب الكرى مع لابسات الخزاري
من غاص غبات البحر جاب درّا =ويحمد مصابيح السرى كل ساري
وأنا احمد اللي جاب لي ماتحرّا =واذهب غبـار الذل عني وطـاري
والعمـر مايزداد مثـقال ذرّا=عـمر الفتى والرزق في كف باري
وصلاه ربي عـد ماخط بالرّا =على النبـي ماطاف بالبـيت عاري

المنـــــــاجي

[ابومحمد الشامري]

لا هنت يا المناجي قصيدة رائعة يا السنافي وهي من القصائد الشيخات في نظري اذ لم تكن في نظر نقاد الشعر النبطي.
يوم إن كل ٍ من خويه تبرّا..... حطيت (الأجرب) لي عميل ٍ مباري

الاجرب : سيف الامام

صح لسانك على النقل الرائع والجميل ننتظر تميزك القادم.

[المناجي]

ابو حمد الشامري ..

ولا أنت يالسنافي وصح بدنك .. كلامك صحيح طال عمرك .. ولكن كثير من القصائد لقبة بالشيخه ...

وكل قصيده تغلبها قصيده من وجهة نظري

تقبل تحياتي

[محب العجمان]

رحمة الله على الإمام تركي بن عبدالله و على أبائه الطيبين و أحفادهـ و كل المسلمين

و شكرا لك أخوي المناجي على إيراد قصيدة الشيخة للإمام تركي صاحب السيف الأجرب

و للمعلومية السيف الأجرب سيف الإمام تركي موجود بمهرجان الجنادرية يعرض للزوار لمن أراد الإطلاع عليه .

[أبو محمد]

لاهنت يالمناجي على اطلاعنا لهذه القصيده الرائعه

[راكان اليامي]

لاهنت يالسنافي وبيض الله وجهك على انتقائك للقصيد الطيب

[المناجي]

محب العجمان ..

الله يحبك أنشاء الله ..ومشكور على الأفاده والمرور

تقبل تحياتي

[المناجي]

ابو محمد ...

ولا أنت يالسنافي ..شكرأ على المرور

تقبل تحياتي

[المناجي]

راكان اليامي ..

ولا أنت يالغالي ..ومن قال طال عمرك ..مشكور لمرورك

تقبل تحياتي