(ثـمـانـيــة مــــــارس)
============
سخروا بهـا. ماكرموهـا المقاريـد
اللي لهـم مكـرٍ خبيـثٍ وغايـات
*****
إمْتهنوا انوثتها وحطوا لها ( عيـد )
من أجل تظهر في الصور والدعايات
*****
بالله وش دخل النواعم مـن الغيـد
بظهورهن حتى في اعـلان كفـرات
*****
لو التبرج ( للمره) زيـن ومْفيـد!!
ماحرمه ربـي ونزلـت بـه آيـات
*****
(ثمانيـة مـارس) منافـي التقاليـد
فـي مجتمـع متمسـكٍ بالعبـادات
*****
لن نحتفـل باليـوم هـذا ولانريـد
نرفع مع الغرب الصليبي شعـارات
*****
هل تصلح المرأه لخدمـه وتجنيـد!!
ولاَ تصد في ساحة الحرب غـارات
*****
ولاّ تشارك في العمل إيـدٍٍ إب إيـدْ
تفعل مثل مايفعـل الرجـل بالـذات
*****
كل ماذكر عن جنسها الناعم إبعيـد
وش لون تطلب بالرجال المساوات!!!
*****
من منّكم قد شاف له حرمه إتصيـد
غير إن تسلهم بالعيـون الكحيـلات
*****
وتخلي النبضـات بالخافـق إتزيـد
وتصيب قلب العاشق الصب بسكـات
*****
صحيح في بعض النساء مكرٍٍ وكيـد
لكن لهن دايم على الرجل حسنـات
******
أنا احترمهـن حيـل وبكـل تأكيـد
مـادام لـي زوجـه وأمْْ (وبنيّـات)
******
والله يعلم من ورى القصـد ماريـد
غير النصيحه واعتبرهن لي أخوات
*******
للشاعر مبروك بـــن مـاضــي
تحياتى لكم اخيكم راشد المري