قصيدة في حضرة جناب الشيخ / خالد الدامــــــــر .!

[شــــــــــاطر]

السلام عليكم ورحمة الله وبركاته


مساء الفل والياسمين



قصيده في مدح الشيخ / خالد الدامر

لا علْ وبل السحاب اللي سرآ يرقا=تِرزمْ عوده وبرقه بالدجا سامر
يسقي شمال المشاف و لبّة البرقا=عرين حاتم زمانه خالد الدامر
شيخ ٍ يمينه كرمها غبة ٍ زرقا=هذا محلّه وهذا قصره العامر
اللي رقا المجد الاعلى كايد المرقا=يامر وينهى الى منه بغى يامر
الناس تعطي لكَنْ كبودها حرقا=و خالد الى اعطا تشوفه بالسعد غامر
من كثر ما أعطا يمينه كنها طرقا=يرخص حلاله ويسرف فيه ويغامر
خالد ولد كل شيخ ٍ سمعته ترقا=كم هلَكو من ذلول ٍ بطنها ظامر
أسمًٍ يعرفونه يام و روق مع برقا=و قحطان ومطير و سبيع ٍ بني عامر
الشعر عن مدح غيره يطلب الفرقا=إلا لزحل ٍ يعادل خالد الدامر

الشاعر / مبارك المري

[فالك طيب]

يستاهل / خالد الدامر

وصح لسان الى قايله

[جويات الهمل]

يستاهل خالد الدامر وصح لسان المري ولا هنت على النقل

[هادي بن فهاد]

لاهنت اخوي على نقل القصيد
صح السانك
ولسان شاعرها

[بندر العجمي]

الـــنـــاس تــعــطــي لـــكَـــنْ كــبــودهــا حـــرقـــا
وخالد الى اعطا تشوفه بالسعد غامـر
مــن كـثـر مــا أعـطـا يميـنـه كنـهـا طـرقـا
يـرخـص حـلالـه ويـسـرف فـيــه ويـغـامـر
خـالــد ولـــد كــــل شــيــخ ٍ سـمـعـتـه تــرقــا
كــم هلَـكـو مــن ذلــول ٍ بطـنـهـا ظـامــر




الله الله الله




والله اللي ماظلم حظه المري





وصح الله لسانك ولسان شاعرهااااااا مبارك




ونعم في الشيخ خالد الدامر والله لاااااايشينك على النقل الجزل

[ابو منيف]

صح لسانك على القصيدة الرائعة ويستاهل الشيخ خالد الدامر

[عمَرس]

صح لسان المري

يستاااهل الامير خالد الدامر كفووو ابو محمد




و يا ليت اللي عنده القصيده صوتيه يدرجها هنا لانها انتشرت فالبيبي بالصوت.....



الف شكر و شاطر يا شاطر