(( سجـل حـضورك ببيت قصـيدة أو حـكمة )) ((2))

[مسعطر]

السلام عليكم ورحمة الله وبركاته ,,,


صبحكم الله بالخير ,,,

معنا في هذا الموضوع و هو ليس إلاّ إمتداداً لموضوعنا القديم
(( سجـل حـضورك ببيت قصـيدة أو حـكمة ))
اللذي كان بقلم المبدع ناصر آل رشيد عساه خير ,,

و نبارك له خصوصاً و للأعضاء عموماً تجاوز الردود عدد الـ 13 ألف رد ,,,,



و لتخفيف الصفحة و سرعة التجاوب فتحنا هالموضوع و هو إمتداداً لسابقه بنفس قوانينه و إبداعه بإذن الله ,,

تقديري

[مسعطر]

نبدا مع هالابيات ,,,

أنا حاجتـي نـورً بعيـدً و قربـه نـار=وقْف دون مقصد حاجتي من كره جيي
وقف حاسدًَ مبغض ؛ وكف دانيَ حجّار=و إذا جيت باقبل ماحصل ؛ قلبي معيـي
إلى زلّ ثلث الليل و تـراودوا السمـّار=تسامرت مع حـزن ً حديثـه عباريـي

[عليل المحبه]

الظمى يجتاحنا .. وأرياقنا منكـوبه
والسما يرمش هدبها ولا تبي تسقينا


كنت أظن إن القلوب اللي بنا مسلوبه
وأثرها من كم سنه عاشت وماتت فينا .. !!

[عـسـاه خـيـر]

الله يبارك بحياتك مسعطر , ولا أدري وش اقول اٍلا ان الابداع كلن له نصيب منه
من اول رد لاخر عضو فيه ( فالح فلاح ) نعم , يقول يوم جيت البيت اٍلا مغلق مبناه
تذكرت زول كان فيه سكانى خنقتني العبره هاهاها

سولف ولاتنشد عن القلب وش فيـه = شعوره اللـي فيـه مالـه نهايـه
ودي ماتعرف منه حاجه / ولا اخفيه = تناقضه مدل / والاحسـاس تايـه
ماودي اخسر قرب قلبـك ولا اذّيـه = اللـي يجينـي منـك هـذا / كفايـه
مافيه ليل اشوف وجهك ولا آسريـه = واحط عمـري وامنياتـي / ورايـه
حـد الجنـون اللـي يقـال متعديـه = والعقل ف..اللي عشت مأخذت رايه
الحـب واحـد واولـه مثـل تاليـه = ويكمن جمأله في غموض البدايـه!!

لـ / عفاس حرباش

[عمَرس]

تجوع وتظمأ لقاي .. وتشرب أشعاري
.......... وتمدّ نخب الهوى .. وتقول لي صحـّه !

من كثر ما للشهد في ريقها .. طاري
.......... هالحين لا سولفت في صوتها .. بحـّه!!

[شامخه بعز ابوهاااا]

قل للسماء لا عـاد تمطـر حبايـب
أنا أمتلا ظهري من طعون الأحبـاب


جردٍ رعاها بـ/ أول العمر غايـب
ما عاد يغريها (الوسم) تنبت أعشاب


اللي كسر ظهـره جحـود القرايـب
وشلون يستأمن سكاكيـن الأجنـاب


يا أحباب مالي بالحكـي والطلايـب
وماعاد فيني قلب يستحمـل عتـاب


من كثر ما شافت عيوني مصايـب
شريت لصبري قفل وأسكنته البـاب





.

[الجلمود]

إن كان تغليني مثل ما انا اغليك ..

وودك تخفف لوعتي واشتياقي ..

أرجوك يا خلي عسى ربي يخليك ..

حول ( الألف دينار ) على حسابي ..!

[مسعطر]

ناصر الرشيد
و الربع كلهم ,,,

مرحبا بكم وانا لا استقبل شكر او ما شابهه لهذا الموضوع ,,,,

لأنه لناصر و لو كنت أنا كاتبه

عموماً مرحبا بكم بالنيابة عن ناصر

مسألة ( حسب اعتقادي ) في بدايـات المقـال=مسأله .. يحتاج ( فك اقواسها ) لشرحٍ طويـل
ربما ْ الكاتب .. يحاول يعطي لنفسه .. مجـال=وربما .. كانت ( إشاره ) .. عن كلام ابلا دليل
وربما من غير قصد .. يجيبها ( ولدة حـلال )=وربما ـواللهُ أعلم ـتعتبر .. ( نفضة شليـل )
ربما .. أو ربما .. أو ربما .. / .. للاحتمـال=كل صيغة للتوقع .. في مهب المستحيـل ..!!:
بس أنا ( حسب اعتقادي ) أنها ليسـت محـال=إنما : تمهيد .. والا شيـئ مـن هـذا القبيـل
من يعرف ان البديهة .. من شروط .. الارتجال=يعرف ان الفرق واضح بين قال .. وبين قيـل
ومن يعرف ان الاجابه .. نصفها فهم السـؤال=مستحيل انه يقارن .. بالمربع .. مستطيل ..!!
ومن يعرف ان ( التقشف ) منهجية .. للجمـال=يعرف ان اجمل تواجد ، من تواجدهـم قليـل:
ومن يعرف ان التواصل .. غير .. قطع الاتصال=يعرف ان كلمة ( وداعاً ) .. من إشارات الرحيل
هكذا يبدو ../ .. ويبدو هكذا ... كـان المقـال=واعتقد اصدق نهاية .. قول : مايخـدم بخيـل

[الجرح .. ارحم]

لو كان لي قلبان لعشت بواحــــد **** وتركت قلبا في هواك يتعذب

لاكـــن لي قلبا تملـــــكه الهــوى **** فلا العيش يهنولي ولا الموت أقرب

كعصفورة في كف طـفل يضمها **** تذوق أنواع الموت والطفل يلعب

لا الطـفل ذو قـلب يحن لما بها **** ولا الطير ذو ريش يطير فيذهب

[فـــارس الـــريـــم]

أحبه بس حبه متعبني
أحبـه و الكـل يشهد بغـلاه أحبـه و منـه الله لا يحرمنـي

أعشـق فيـه جمالـه يامحـلاه ولـون عيونـه اللي تذوبنـي



يا ويلـي عليه لـو بس ألقـاه يروح يومه كله و هو بحضنـي

لكـن الزيـن ما يكمل حـلاه حبـه حلو لكنه حيل متعبنـي



يبيـني طـول الوقـت وايـاه ما أتركـه و لا يبي يتركنـي

مايبيـني أتكلـم الا معــاه وبجنون غيرته صـار يعذبنـي



و لـو تأخرت لحظة عن لقـاه يزعل و يقـول ليه تكرهنـي

المشكـله انه يعرف غــلاه ويعـرف انـه بحبـه مجننـي



لـو زعل أضيع في دنيــاه و أتمنـى لـو الأرض تبلعنـي

ياويلـي بس لو جاني جفـاه أتعب والبعـد حيل يضايقنـي



مـا أقدر أتحمل لحظة فرقـاه أتعب و أحس ضميري يأنبنـي

أحيـان أقول خلاص أبنسـاه و بروح وبقولـه لا تكلمنـي



و أقـول أحسن أعيش بليـاه ما أبيه يتصل و لا يسأل عنـي

يمكـن أرتاح من حبه وبلـواه يمكن البعـد عنه راح يريحنـي



و لمـا أروح وأتقابل معــاه ألقى اللهفة فينـي تقتلنــي

و أنسـى اللي كنت أنا أبغـاه وألقى كل أحاسيسي تكذبنـي



فجـأه ألقى نفسي بين دفـاه وأضـم صدره لين ما يحرقنـي

وأتنفـس من شفاته و هـواه وأقـول له ماأبيك تبعد عنـي



و أنسـى اني قلت أبي أنسـاه وأتذكر انه بالحيل واحشنـي

أحسـه مالـكني بحبه وغـلاه وبلون عيونه أحسه ساحرنـي




بروحـي وحياتـي أنا أفـداه فديت حبه حتى لو متعبنـي

ما أقول غير بجنـون أهـواه وعن حبـه اللـه لايبعدنـي