ابن نوطان المري في الشيخ عبدالله الدامر و العجمان

[مسعطر]

قصيد للشاعر عامر ابن حمد ابن نوطان آل جابر
المري في الشيخ عبدالله ابن فهد الدامر :

اليوم في قلبي هواجيــــس و إحساس=ودي لأهل ( جودة ) نــــــــــــــدزّ الرحايل
لا مستعين ٍ ولا عليّ الدهر مـــــــــاس=ولا بمحتاج لبعــــــــــــــــض المسايل
بنقوم بزيارة شيوخ ٍ على ســـــــــــاس=شيوخ يام ٍ من عصــــــــــــور الأوايل
يدله بهم قلب غدا فيه هوجــــــــــــاس= و يشتاق لمشاهد عيــــــــــال الحمايل
شيخ الشيوخ الله يجيره مـــن البـــاس=( عبداللـــــه ) الدامـــــــــر ربيع الهزايل
لا شفت وجهه راح كل التعومـــــــاس=شيـــــخ مع الشيخــــــــان مالـه مثايل
كم قد غدت عوج النضى مثل الأقواس=في ساقة ( الدامــــــــــر ) صبي الصمايل
يوم الرجال بلذّة النوم غطـــّــــــــــاس= و ركابه تبوج الســــــــــرى و القوايل
وصلت مغازيهم بعيدين الأرمـــــــاس=فوق المهار و فوق جيـــــــــش أصايل
( ضواعن ٍ )عاشوا على قوة البـــــــــاس= بالذلّ ما يرضون لو هـــــــــــــم قلايل
ما جا لهم في مقعد الذلّ مجــــــــلاس= جزّاعة ٍ لا شافوا الشـــــــــــــــــدّ مايل
( أهل القنازع ) فعلهم يرفع الــــــــــراس= يبري الكبود اللي عليهــــــــــــا ملايل
لا جاهم اللي عاد في راسه عطـــــاس=يبغي خذان البل و خـــــــــــلاّ الحلايل
أنا بشِيره بالخسارة و الإفـــــــــــلاس=من فعل ربع ٍ طوّعوا كل عايـــــــــــــل
لا كلـّـح الناجذ و الأرياق يبــــــّــــــاس= و صاحوا بعالي الصوت سمـر الجدايل
بأفعالهم يعتز مدقــــــــــــوق الألعاس=يضحك حجاجه عاد عينه تخايـــــــــــل
متنومس ٍ بأفعال لبـّـاســـــــــــة الطـاس= يوم أنتخوا بمصقلات السلايــــــــــــــل
بجموعهم كم فرّقوا جمـــــع الأنجاس=لا خان في عهده خبيــــــــــــث الدغايل
و نعم إلا ركبوا على قـــــب الأفراس=عند اللحيق و عنـــــــــــــد رزّ الشلايل
لو قلت أقايس طيبهم ما لــــــــه قياس=متنفـّـلين ٍ فوق كــل القبايـــــــــــــــــــــل
و صلاة ربي عد ما هـــــــــبّ نسناس=على نبي جاب خيــــــــــــــــر الرسايل

و دمتم بود ..