الليل أنا أشكي له أو الليل يشكي=من كثر ما أنا أسهره وأتحراه
وصرنا على المكشوف نسهر ونحكي=هو يشتكي مني وأنا أجيه بشكاه
هو مال حضي أو عاده ياتركي=راح الحبيب ولا بقى غير ذكراه
الجادل ألي في الحنايا يتكي=بين الضلوع أحياه والقلب مبناه
يطغاء على غيره ويزها ويزكي=في وصفه الراهي وفي مشيت خطاه
غايب وذا الخافق من الشوق يركي=على أمل يلقاه ماظن يلقاه
لني أنا أعرفه ولابه مشكي=قفايته وحده وعلى الصد مرباه
صحيح قلبي بيستضيق ويضكي=لئن البلاء فحكاه يا مزين حكاه
روح وعقبه باب قلبي مصكي=والله مابه في الغنادير يسواه
لو إن من فرقاه عيني بتبكي=والله ما أحبه ولا اجيب طرياه
لئن الرجل وإن كان في الحب يبكي=معاد يفرق عن خواته بمبكاه
وإن طروا إنه يرجع القلب صكي=مغلق صيانه لين ما الهم يجفاه