لا حولهــا ( عزوه ) ,, ولا حولهــا ( إخوان )

[طويل البال]

أمسيت كني دون صوتك يتيمـه
لاحولها عزوة ولا حولها إخـوان

من يوم رحت وتمطر البنت ديمـه
لين أزهرت من دمعها بيت وأوزان

كانت وكانت في وجودك عظيمه
يوم إتذرى في ذرى عالي الشـان

وصارت وصارت في غيابك أليمه
تجرح خواطرها من الحب قيفـان

مدام باقي بك مـروّه وشيمـه
ارجع على بنت ٍ تحبك إلـى الآن

اللي تشوفـك عونهـا والعزيمـه
يعني بدونك لا عزيمه ولا أعـوان

.
.
.
.
.
.
.


للحــــزن بقيـــــــــه

مدام باقي بك مـروّه وشيمـه
ارجع على بنت ٍ تحبك إلـى الآن

اللي تشوفـك عونهـا والعزيمـه
يعني بدونك لا عزيمه ولا أعـوان


الله الله

انا مبطي من المجالس ..

صح الله لسانش ولاهنتي ..

رائعه .

[طويل البال]

صــــــــح ابدنك


ولا هنت ع المــروور

ويا مرحبا ومسهـلا

[خالد وبس]

سلمت اناملك .. وصح السانك يا ضامر
ابيات حساسه جداً



تحياتي لك

[خالد ركيان]

الله الله ول ول اثرش بلوووووا
صح السااانش

خالد تهيظ والسبايب وسيمه
وسيمتن غنت بها بنت ذيبان
ابيات شعرن للموارد محيمه
وهداج تيما للفريدات عطشان
كلن على كيفه وفكره وتيمه
لاصار مايغويه تايه وشيطان
ياضامر السرجوف قلبي صميمه
تقول شريانه من الدم نشفان
الحب لامن صار مابه حشيمه
ودك يصير الحب كرهن وبغضان
الحب كله تضحيه يالغشيمه
لاترتجي راسن يعود لكرعان
ضحيت قبلك والضحيه وخيمه
واقفى الذي ضحيت لجله مسيان
هذي العلوم اللي تهد العزيمه
ماهي علوم فلان وفلان وفلان
اسأل مجرب والدكاتر فهيمه
من صادم الوعات لاشك خسران

[راعـي الـجـمـس]

صــح الـــلــه لســانتــس فـي ذمــتي

واعتــلى شـــانــتس

لا خــــلا ولا عــــدم

اخـووس : راعــي الجمــس

[راكان اليامي]

الله الله صح لسان قايلها ولاهنت ياضامره

[طويل البال]

لا هنتــوا ع المــــروور


وأخوي خالد صــح إلسانك مليـــون ولا يســـدون

والقصيـده مهي بلي للشـاعره الراسيـه


ويا مـــــرحبا ومسهــــــــلا

[على دروب الغانمين]

لاهنتي على النقل والاختيار الرائع وتسلم يمينش

وصح لسانش ولسان الشاعره المبدعه دايماً (الراسيه )


تقبلي مرور اخيش

[طويل البال]

صــح ابدنك

ولاهنت ع المــــــــــروور


ويا مرحبـا ومسهـــلا