هذي ترى الدنيا رفاع ومطامين
ولاحدٍ سلم منها قديم وهالجيل
واللي يجي له باول الوقت تطمين
لابد من يوم تظيق المداخيل
اصبر على صكاتها لاقبل الشين
واطلب من اللي خالقك بالتساهيل
ان كنت مطلق فاذكر اللي مساجين
وان كنت عاقل ترى به مهابيل
وان كنت طيب فاذكر اللي مريضين
اللي لهم في كل الاوقات تعويل
وان كنت في نعمه ترى به مدايين
يشكون ظيم الوقت مانامو الليل
كم واحد في نعمه كنها عين
يشكي يبي زود النعم والتكاميل
مايدري ان الناس تبكي لها حين
تركض وتشقى ماتجيها محاصيل
ياتايه ان كانك على صفحه الدين
ارفع كفوفك للولي تالي الليل
واشكر نعمه اللي تجيلك على الزين
وعبد عرف ربه دروبه تساهيل[/SIZE]
25-10-2015, 07:36 AM
هذي ترى الدنيا
العرض العادي
المواضيع المتشابهه
