لغز... ويش بنت فعلها؟؟

[بدر العرجاني]

السلام عليكم ورحمة الله وبركاته

أضع بين أيديكم هذا اللغز المتواضع:

ويش بنت فعلها بالصباح وبالعصر=الظهر ما تنفعك خلها محلها
طولها شبرين والعرض تقريبا شبر=تحمي الإنسان لاصار جاء في ظلها
وأختها في جنبها مثلها بطن وظهر=حلها يا صاحبي كان تقدر حلها

وسلامة الجميع

[حبيب]

اشهد بالله اني عرفتها يابدر

واشهد بالله انك عرت تختار وان اللي سوا اللغز شاعر

وعلى شانك بارد شعر

اخذ حل اللغز لاهنت مني يابدر=يارفيقٍ حايزٍ المراجل كلها
المظله حل لغزك ولاضاق الصدر=فوق راسك وان نطحت الشموس اتلها
كلها وسط الغماره ولا منها خطر= وان بغيت تشلها يالصحيب تشلها

[بدر العرجاني]

أرررررررحب يا بو سعيد

عز الله العزيز إنك جبتها يا ذيبان

وصح لسانك على الحل الصحيح و الرد الرائع

ويعذرني منك وأنا أخيك إني ما نيب شاعر ولا والله إنك تستاهل الرد بالشعر

لا هنت طال عمرك