سليم اللي دعيناهم ووصلونا على الميعاد=نقابلهم بكلمة مرحبا والهيل والدله
ولن شربوا من الدله يجي في ساقها البراد=بعدها ناخذ علوم العرب وعلوم( عبد الله)
نواعدكم ونوفي في وعدنا والثياب جداد =وهذا طبعنا نمشي على المنهاج والمله
اقول المعركه ماوسطها دله وملح وزاد=انا خابرك رجال تعرف الدرب وتدله
تجمعت انت والقرقاح وحبيب وابن عياد=وصدرتوا قرار مثل سيف مرهف السله
لكن السيف وشلون انثلم والسبه الحداد=ثلاثه يغمدونه في خباه وواحد يسله
تجمعنا نحاول نبعد الشيعه عن الاكراد=وشفنا الامر فيه وفيه والاوضاع منحله
لكن انتم حكيتو يالعصيمي والحكي مافاد =ولادري هو دخلكم ياس ولا صابكم ذله
حسبتوها على الهجري وضاعت فاول الميلاد=من الهجري ليا الميلاد ضاع حسابكم كله
انا قلت اترك الحره واجيب لها رسن وشداد=هذا حكي الرجال اللي تعقد الحبل وتحله
عبدالله بن عتقانليا روح ربيع اخر يجيك العلم شهر جماد=بنود العقد فيها بند غامض مانت فاطن له
يكفينا زمانن فاز به عنتر ولد شداد =لكن الغافل اللي مادرابه ويش نعمله
بنود العقد بانت كلها يا مصطفى العقاد=لو العقاد يسحب عقده اللي جابه احسن له
مقابركم نصايبها علاها يا ثمود وعاد=وانا اشوف السما صارت سحايب دم منشله
يادكتور الفلك داير وصياد الفهود يصاد=وفيه عقول متزنه وفيه عقول مختله
تفقد صفت الضباط ولا صفت الافراد=انا خابرك رجلن ماتزل وتكره الزله
يا عبد الله نبا نصدر بعد ما طول الميراد=ولك عندي خبر عاجل تسمعه وتعين له
وانا خابرك رجل ما تنقد والشفا نقاد=على وضح النقا بسم الله الرحمن بسم الله
انا ماني بخايف غير حاجه تفرح الحساد=لو ان السر يادكتور نحفرله وندفن له
انا ماخطي على شرواك يارايد من الرواد=مزوح اتروح ونجيب الدوى اللي يبري العله