بصنع الهنادي وام خمس القصيره..... واهل القنازع فوق قبن مغذاه

[المعتصم بالله]

	بسم الله الرحمن الرحيم السلام عليكم ورحمة الله وبركاته اعجبتني قصيده يقال انها للمرحوم .... جلوي بن رتيبان ال حبيش طيب الله ثراه البارحة ما امسيت عيني سهيره وعزي لمن مثلي من الناس عزاه متراكي وابدع بيوت(ن) غزيره واعمر الغليون واثنيه بملاه مع دلة (ن) مالعقتها السعيره صفرا على جال المناره مراكاه فنجالها ما هو يوصف بغيره وصناعها اللي يفتهم كيف معناه وياما حلى شوف البيوت الكبيره في خايعن من غب سيله نزلناه و يازين شوف بيوتنا مستديره سودن على روس الصياهد مبناه وذيـــــدانا ما فرقتها المغيره من صاعها صعناه الى من لحقناه بصنع الهنادي وام خمس القصيره واهل القنازع فوق قبن مغذاه ويميرنا هجرن وحنا نجيره ومن جاء يبيه من القبايل طردناه الى ان جاء شيخ (ن) ولا كل ديره شيخ (ن) حكم كل القبايل بيمناه الله يظلل به سنين كثيره حتى القريزي قد هو اليوم يدراه من عقب ذى ياراكبن زين سيره عماني من باطن عمان مرباه يشبه لريم (ن) ذيرته الذخيره شاف المبندق يوم حاوز لمرماه ملفاك ابن جلبان ماهو بغيره عساه يبطي طارش الموت ما جاه سلم عليه وخبره بالسريره وعطه العلوم وكل شي من اقصاه وقله ترى حن ما علينا قصيره نطمر و ولد الاش يدرى بممشاه وانصى فهيد عيد راعي العثيره عضيدي اللي جعل الانذال تفداه عيد الطروش اللي عليهم قصيره جو من بعيد والمزاهب مطواه وقله ترى الدخان ما به معيره درب المعيره عند غيري بتلقاه العيب في غمر (ن) يعس القصيره واللي يخلي الضيف ما هوب يقراه والعيب في غمر(ن) يجر الجريره واللي يصد من ابن عمه الى جاه وصلاة ربي عد ما في الجزيره على شفيع الخلق يوم الموافاه اذا كان بحوزتكم له قصائد ارجوا تزويدنا بها

[مسعطر]

و ذيـــــدانّـا ما فرقتها المغيره=من صاعها صعناه الى من لحقناه

أي والله القصيدة .... الله يرحم جلوي بن رتيبان...

أشكرك على النقل أخي المعتصم بالله...

تقبل مروري و تحياتي..

[بطاح]

الله الله



الله يبيح منا ومنة ,,



الله لا يهينك يا المعتصم على نقل القصيدة وبيض الله وجهك ,,

[المعتصم بالله]

اللهم أمين

وموتا المسلمسن اجمعين

لا هنت والله أخوي مسعطر على المرور الطيب

لك احترامي

المعتصم بالله ..

[المعتصم بالله]

اللهم أمين

ولا تهون أخوي بطاح

تسلم على المرور الطيب

المعتصم بالله ..

[الخليفه]

لاهنت أخي المعصم بالله
والله يرحم الشاعرجلوي بن رتيبان ال حبيش ويبيحه

[عـسـاه خـيـر]

اللهم امين صح السانك اخوي ولسانه قصيده اعجبتني انا كذلك شكرا لك على النقل الممتاز.

[المعتصم بالله]

هلا بك أخوي الـ زريق

ولا تهون على المرور الطيب

اللهم أمين الله يرحمه وموتا المسلمين اجمعين

المعتصم بالله

[المعتصم بالله]

صح بدنك

فز الخفوق وقلت يالله عساه خير

لاهنت على المرور

المعتصم بالله

[فدغوش آل خضير]

الله يرحم جلوي بن رتيبان
ولا هنت يا المعتصم بالله
وبيض الله وجهك على النقل الرائع
تقبل خالص شكري وتقديري