قصة وقصيدة للشاعرة :مويضي بنت سعد الدهلاوي العجمي

[@صدى الاهات@]

السلام عليكم ورحمة الله وبركاته ..

قصة الشيخ الفارس (جديع بن منديل) حين طلّق زوجته الشاعرة (مويضي الدهلاوية) حين تغزلت به شعراً ..!!!! >>>سمعنا وسلمنا
الشيخ الفارس جديع بن منديل بن هذال راعي الحصان , مشهور بغزواته الكثيرة وغاراته المتالية وكان يأخذ بالغزوة 7 شهور, وكان الشيخ جديع متزوج الشاعرة مويضي الدهلوية العجميه , وكانت هي تحبه وتتغزل به وتفتخر بكثر معاركة وإنتصاراته على الاعداء, وبإحدى غزواته وصلتها البشائر وهي بالرس أن زوجها القائد الفذ قد أنتصر بمغزاه
. فقالت هذه القصيدة تمدح زوجها وتتغزل به وتلمح بأبيات لطيفة بإشتياقها له حتى يكف من الغزو الكثير والمسرف. قالت :

يا راكب حيل ابروسه لجاجــــــــــه =امظريات للمســـــــــــاري والادلاج
لا روحن بالدو كن إنزعاجــــــــــه=سفنن حداها بالبحر بعض الامـواج
سفن البحر سود بروسه فجاجــــه=و ارقابهن زعاج من يبس الامــواج
تلفون شيخ ٍ نازل ٍ بالعجاجــــــــــــه=اجديع اللي للمجاويخ زعــــــــــاج
مودع على المطران كدراً عجاجه=هجيجهم من بين أبانات و ســــواج
خلا المريخي طايحٍ في مداجـــــــه=و الخيل بالجبلان راحن مـــــــــراج
سلم على اللي راح للحول ماجــــه=و قله خويك ضايق الصدر واعـــلاج
وقل لابن وايل كان وده ايواجـــــه=القيض فات و بارق الوسم زعـــاج
حطيت لك ريش النعامه أولاجـــــه=و البطن لك يا مدبس الخيل مسهـاج
امـي توصيني عن الانزلاجـــــــــه=و قلبي اليا جاء طاري البدو ينفاج
أمي تقول أن التمني سماجـــــــــه=و أقول أنا بعض التمني به أفــراج

وبعد ذلك رد الشيخ جديع بن هذال على قصيدة مويضي الدهلوية العجمية السابقة بقصيدة وطلقها لسبب أنها تغزلت به . وان قصيدها أصبح يحكي به كل الرجال وهذي هي القصيدة :

يا راكب حيل ٍ الى لجلجنـــــــي=عوص لهن مع نازح البيد مرمـال
الى مشن مديدهن ما يونـــــــــي=لكن حاديهن مع الدو خيـــــــــال
مدن من الانجاج حين انهلنـــــــي=والظهر عند صخيف اللون مقيــــال
والعصر عند صويحبي بركنــــــي=أبو ثمان كنهن در الاجهـــــــــــال
لاجيت موضي يامناي ومظنـــــي=وصل سلامي لبنت ماضين الافعال
وقله تراها طالق الحبل منـــــــــي= اللي قصيده يلعبه كل رجــــــــــال

نرى في البيت الاخير أن الشيخ جديع بن هذال طلقها على أمر لايستحق أن تجازي به كالطلاق ، ومن هنا يتبين للقاريء شخصية جديع القوية والعصبية في نفس الوقت ويتسرع في إتخاذ القرار, . فبعد هذه القصيدة ردت عليه مويضي الدهلاوية العجمية بقولها :

حي الجواب وحي منهو جوابـــــــــــه= ياشيخ يا مكدي غثيثين الاجنـــــــاب
يا شيخ والله ما مشيت بمعابـــــــــــه=ولا خايلت عيني على كل نصــــــــاب
وأن كان قولي فيك كلن حكابــــــــه=عرضي نزيه ولا حكى فيه هـــــــزاب
ارجيك رجوى البادية للسحابــــــــــــه=و جازيتني في كلمة ٍ مالها أسبــــاب
هذا النصيب وما بغى الرب جابــــــــه= لا صك بابه عبد عنده مية باب

ثم رجع الشيخ جديع بن هذال وتندم وأراد أن يردها زوجة له الا أنها رفضت ذلك وقالت :

جديع يوم انه بغاني بغيتـــــــــــــه= ما طمحوني عنه كثر العشاشيــق
و اليوم يومنه رماني رميتـــــــــــه= رمية وضيحي رموه التفاقيـــــــــق
جديع أنا حرمت مسكان بيتــــــه=الا مغيب الشمس يرجع لتشريــــق
ولا أن صوت الحي يوحيه ميتــــــه= أو ينبلع سم الحيايا على الريـــــق
عسى يجيني شيخ يسمع بصيتــه=سنافي يعطي من طوال السماحيق

وبعد طلاقها وبعد البيت الاخير خصوصا، سمع الشيخ مجلاد بن فوزان بها وبآخر بيت قالته في قصيدتها وتزوجها

تقبلومني خالص التحيه:

[مسعطر]

أختي @صدى الآهات@


صح لسانش على القصايد الجزلة و مويضي الدهلاويّة اقوا شعرياً حتى من بعض الشعار الرجال ,,

و اذكر لها قصيدة بعد ما طلّقها الشيخ جديع ابن هذال ,, و تزوجها الشيخ مجلاد ( ولا اعرف انا هل هو جد عايلة المجلاد شيوخ الدهامشة من عنزة او احد احفادة )

المهم .. صار كون المربع بين الدهامشة و مطير ضد ابن هذال و باقي عنزة و الجربان و من معهم من شمر و ابن ربيعان و من معه من عتيبة و بني سالم من حرب ,,

و إنطعن الشيخ جديع ابن هذال فيه المعركة هذي ووصفته مويضي ,,,

و الوقعة سنة 1242 هجري و مفصّلة في تاريخ ابن بشر


تقول :

يا أخو هوا يا شيخ وين أنت غـادي=ودّي على جـال الرفايـع تحطـون
بالحاجـر المنقـاد فـي بطـن وادي=فوقـه دواويـر البـوادي ايبـنـون
تلقا بهم مـن قـال خـل السـوادي=نرجـي عساهـم بالزمايـل يلهـون
وتلقا بهم مـن قـال وجـه المعـادي=ترى حلاة الغوش طاعـن ومطعـون
عند الركايب صار ضرب الركـادي=و ( راعي الحصان ) المنتخي راح مطعون
و راعي فريجـة كـن فيهـا يقيـادي=يثني كمـا سبـع الخـلا لا تذلـون

راعي فريجة مجلاد زوجها الأخير ,,


و ابن هذال ليته خلاها عنده بدال ما تذكر طعنته في كون المربع



ألف شكر أختي صدى الآهات على الموضوع الجميل ,,


( و اسمحي لي بالتنسيق بعد اذنش )

تقبلي مروري ,,
أستودعش الله ,,

[الفرس]

قصه مؤثره اشهد ان به ناس قبلنا ..

صدى ...

تسلمين على الاختيار القمة والابيات القويه ..

تحياتي ..

[@صدى الاهات@]

صح الله بدنك ولاهنت يالسنافي على ذا المرور الطيب وخير من يشرفني
ويسعدني تواجدك الرائع




تقبل مني خالص التحيه:

[@صدى الاهات@]

ومن قال يسلم اختي الغاليه الفرس


لاهنتي على المرور الطيب




تقبلي مني خالص التحيه:

[الخزااامى]

تسلمين على الاختيار القمة والابيات القويه ..////

[الداهيه]

الله لايهينك على القصة الاكثر من رائعة
وصح اللسان الدهلاوية اشهد انها بنت عطران الشوارب

[شيخة الغلا]

تسلمين أختي صدى

وتسلم أناملك


ولاهنتي ع النقل الحلو

تحياتي لك

[@صدى الاهات@]

ومن قال يسلم ولاهنت على ذا المرور الطيب


اخي الخزامى




تقبل مني خالص التحيه:

[@صدى الاهات@]

ولاندمتي اختي الداهيه وتسلمين على ذا المرور الطيب



تقبلي مني خالص التحيه: