السلام عليكم ورحمة الله وبركاته
اصبح على المنتدى العريق باعضائه واعتذر له ايضا لعدم التواصل الدائم
وذلك لامور الكل يمر فيها والله يكافينا شر الدنيا
اتمنى ان تكون هذي البويتات خفيفه عليكم قبل تواضعها
ومناسبتها رساله عن طريق جوالي الى جوال صقار وكان قانص
وفيها لغز..
بسم الله
سلام ياقصاد قاعـ(ن) تلوفها = يمتاز سافيها بكثرة جمايله
ولا هنوف محنياتـ(ن) كفوفها = تبطي على رجال تخزي عمايله
اكيد لامريت ودك تحوفها = تبغي من المثلوث يبرز فعايله
لاجا مع المغباش كنّي اشوفها = ياقردها ذالحين تقعد تخايله
الكاشف اللي لاظهر مايروفها = ثاقب نظر والطيب أول مثايله
لابد ماتلقا الحباري حتوفها = بيض الدواغر كلها ماتحايله
طرّفت لي بيتين ودّي تشوفها = في بطنها مقصود ماني بقايله
البنت؟ تقطع بالنشاما سيوفها = والعلم عند الله فريد بخصايله
لاهي بعذرى لا! ولااحد(ن) يعوفها = وعن شكل باغيها فلاهي بسايله
نبخص نسبها من صنايع ردوفها = وانا اشهد انها للمهمات طايله
سلامتكم
سرحان