دخيلك ضف وجهك ..!! ترى قلبي ماهو بصوبك ..

[مليحة العجمان]

تهددني بتتركني توّكل ما أبي طاريك
تراني عفت أسلوبك وعفتك قبل أسلوبك

أنا ماني بتابع لك وكل همه يجيك يرضيك
أنا سيد لأسيادك وفارس رغم عذروبك


تراني يوم أقوول آسف تحسبني بعد أبغيك
تمهل وأسمع الباقي وخل الناس يدرو بك

إذا كان الوفا في الحب تجرحيني وهذا يرضيك
دخيلك ضفي لي وجهك ترى قلبي ماهو بصوبك

أنا لا جبت طاري الحب نطق قلبي وهو شاريك
حرام إلّي تسوينه أنا ثوبي ماهو بثوبك

أقابل حبك الجافي بحب(ن) صادق(ن) يرويك
أشوف الزيف في ضحكك وأجامل واستر عيوبك

تحملت الخطأ منك كتمته ما أبي أشقيك
صبرت وقلت يتغيّر مع الأيام محسوبك

عطيتك قلبي الغالي رجع لي باكي(ن) يشكيك
يقول أوفيت أنا وياه ... طعني ...صار يلهوبك

خذيت القلب ضمدته .... صرخت ...علّتي هي فيك
تشوف الناس تجرحنا وتسمح من لفا صوبك

أبيك تتوب يا قلبي ترا هالحب هو يفنيك
أبيك تتوب من عالم تخادع تروي إذنوبك

كفايه ما تحملنا ..كفايه دمعتي تكفيك
كفايه من مآسينا ...كفايه غيير دروبك

كفايه لا تعذبني ...كفايه ما بها تشكيك
كفايه صادقه مني ولك إنسان يسمو بك

كثير الّي تمنوني أكابر واعلن التفكيك
أقول .. ( القلب ) ..هو غالي ولا أنت قد مطلوبك

حسافه عشرتي ويّاك ..حسافه كنت في ماضيك
حسافه بختم الأبيات ..وبفرح لحظة إغروبك